మద్నూర్, డోంగ్లీ:

రాష్ట్ర పంచాయతీ రాజ్, గ్రామీణ అభివృద్ధి శాఖ మంత్రి దానసారి అనసూయ (సీతక్క) జన్మదిన వేడుకలను మద్నూర్, డోంగ్లీ మండలాల ఐఎన్‌టీయూసీ (INTUC) యూనియన్ క్షేత్ర సహాయకులు గురువారం ఘనంగా నిర్వహించారు. మండల కేంద్రంలోని ఉపాధి హామీ పథకం (ఈజీఎస్) కార్యాలయంలో ఈ వేడుకలు జరిగాయి.

ఈ సందర్భంగా క్షేత్ర సహాయకులు కేక్ కట్ చేసి మంత్రికి జన్మదిన శుభాకాంక్షలు తెలిపారు. నిరుపేదలు, గ్రామీణ ప్రజల సంక్షేమం కోసం నిరంతరం శ్రమిస్తున్న సీతక్క ఆయురారోగ్యాలతో వర్ధిల్లాలని వారు ఆకాంక్షించారు.

ఈ కార్యక్రమంలో ఐఎన్‌టీయూసీ యూనియన్ మండల అధ్యక్షుడు యాదవ్, ఉపాధ్యక్షుడు సునీల్, ప్రధాన కార్యదర్శి విట్టల్, కోశాధికారి హన్మంత్ సహా ఉభయ మండలాల క్షేత్ర సహాయకులు పెద్ద సంఖ్యలో పాల్గొన్నారు.